| | Irgendwie isch es henne cool gsi, mitem herte Chärn vo de 55er ads Sekfescht ds go
Eigentlich hät me die Banketcharte gar nid brucht... Me isch eifach bim "Platzspitz" id Halle ine gange...  
Nach Begrüessig und ganz e huuffe schnurre hei mir zersch mou Znacht gässe... Isch im Fau mega fein gsi.. inklusive ds Dessär, gäu Ruedi? 
U jitz weit dir sicher die sensationell scharfe Fotos vo öich luege, woni mit mim Handy gmacht ha. Auso, fö mir doch eifach mou a...   Dr Bänz u dr Freddu si aube use go luege, ob ds Velo no do isch... Gsehts no so us... 
oder scho so???? 
Das isch im Fau wichtig, dass me das hie und da geit go kontrolliere, gäuet Giele??? U dass die zwe nid ds fescht Angscht hei gha alleini ufe Platzspitz use ds go, isch doch eifach ds Wasebeeri ou grad mit!!
Drwile hei die andere dr Tisch oder d Bar ghüetet... isch ja es riesigs Botellón gsi  D Emma het e haarschtröibendi Röibergschicht verzeut vomne tote Oberscht oder vomne gschtieflete Kater, vom Bruno Ganz und emne Frack oder anere Militäruniform, vom Hürlimaa und Fidel Castro, vo diverse Sackmässer und vomne Kosmonaut vo i weiss nümm wo!!!  Ig möcht öich nid vorenthaute, wasi im Internet über die Hollywoodproduggschen ha gfunde: 
U die nöchschte Fotos hani druckfrüsch vor Emma per Mail übercho. D Übergab vom Militärmässer füre Fidel Gaschtro 
Dr erscht Kosmonaut vo Kuba mit ere schwyzer Bimbele 
...und am Fidel sini Soudatinne... 
Natürlich vo vor u vo hinde. Und genau a dere Schteu wetti doch dr Emma nomou vo ganzem Härze danke für mis wunderschöne Armeesackmässer MIT Zapfezieher!!!
Guet, dr Carl Gustav vo Schwede het o sones Mässer übercho, aber...... IG HA DS SCHÖNERE!!!!!!!! 
Wuala, u jitz wieder zu de witere Lüt. D Schagglin isch cho, mir hei se scho es Wiili nümme meh gseh. Drum het sie sich grad hinterem Gsöff versteckt  
Isch sie äch scho käppelet und gseht aues eso ???? 
Nenei, nume ds Foto isch verwaggelet. mir hei aber de no würklich 2 ganz gueti Gruppe-Sek-Fescht-A+B-Foto!! Die chöme de später, jitz zersch no zu dene zwo Froue.
 
Die Dame Vorpe und Heiz us dr B.... d B isch ja wieder einisch besser verträte gsi... wie chönnts ou anders si... aber das nume so näbebii.  
Dr Rüedu und dr Fritze...natürlich ou nid us dr A  Und dr Fritz het de versproche, am nöchschte Sekfescht e Wageladig Militärschtüehl samt Fläschehauter ds liefere.. He ja, dass mir de ou gmüetlich hocke... so mit fasch 60 !!! U när hei mir zu dere uraute Musig vo däm "coole" DJ gsunge und tanzet u.... blöd to... hihi 
Die chöi de öppe no rocke, was ds Züg het, gopf.... Richtig vor aute Schuel... Dr Freddu und dr Bänz fähle wieder einisch ufem nöchschte Foto.. die si sicher bir Velokontrolle!!! Si mir nid die schönschte, beschte, luschtigschte, bartouglichschte, filmriiffschte, gmüetlichschte, unterhautsamschte vom ganze Sekfescht??? 
zersch wie immer, ohni Velokontrollöre... 
u när de no aui mitenand... Mit däm schöne Foto tueni mi wieder einisch vo öich verabschiede u hoffe fescht uf gaaaaanz e huuffe Gäschtebuechyträg!! Mi nimmts de haut aube scho wunder, was dir so für ne Sänf zur ganze Gschicht drzue gäht Mit emne liebe Gruess öies Wasebeeri | |
