Schuelreis 2010 uf 1955

Wuala, u hie chöme jitz ändlich d Fotos vo üsere Schuelreis. Mir si am 21.Ougschte uf Chamoson ids Wallis gfahre...

Tja äbe.. isch ja üse henne schwär Wettbewärb gsi:

Wär zerscht usefindet, warum mir wohäre gö, dä gwinnt e Priis!!

Mir müesse de dene äuä chli häufe, hei mir im OK dänkt! Aber mir hei nid mitem Freddu grächnet:

Uf dr Höchi vo Münchebuchsee het dä das scho usegfunde gha!!!!!!!!!!!!!!!!!!!!!! Himu, u mir hei gmeint, das sig sooo schwär.... *grummel...

Fritze het scho am Morge früeh Militärmateriau verhöckeret.. öhm, verschänkt... Schoggi u Bisquit!!!

Mh fein, gäu Rüedu???

Uf dr Outobahnraststätt Greyerz hei mir e Gaffeehaut gmacht. Dr Fritz het grad churzerhand ane Pfiler gschribe, wo düre dass mir müesse :-)

Mir si de witergfahre gäge ds Wallis. Ufem Bahnhof ds Martigny hei mir ufe Überraschigsgascht gwartet:

Dert isch d Emma ou no zu üs gschtosse. Är isch ide Ferie gsi ir Nöchi, und het sich's natürlich nid lo entgoh, ou mit üs zäme uf d Schuelreis ds cho.

Dr nöchscht Haut isch ds Chamoson gsi... Genau gseit, ds 1955 Chamoson, im Wychäuer  "La cave a polyte".

Dert hei mir natürlich grad subito "müesse" Wy probiere:

Gib no chlei Freddu...

Dr Fondü chätschet äuä grad Wallisserbrot

Wuala, dasmou hani ds Erika nid vergässe ds fotografiere!!!

Proscht!

Läck tschäppi! d Mafia isch e Seich drgäge!

2/3 vom OK

Tja.... do sägeni eigentlich gar nix drzue!!!

Schmöckt guet, gäu Bänz???

Bhoah, do lost eine ganz genau zue.

So Decheli druftue isch gar nid so eifach wie me immer meint!

Jöööögerlis, am Ruedeli si arm Zäje!

Mamma mia, het Fritze äch würklich soooo fescht Hunger??

Dr Fredu stripet... u das ganz öffentlich!

Emma Peel... hihi

...und was verzeue äch die dert enand für Röibergschichte????

Nachem Güügele simer wieder i Car gschtige...

u dr Tschofför het üs zum Zmittagässe gfahre. Nenei, nid nume uf de Houptstrosse, ou uf munzige Bärgströssli simer mit däm Vehiku gfahre, bhuuuu....

uiuiui, es het üs fasch d Hüet glüpft!!!

Ja genau, dert isches ufe gange zu "La colline aux oiseaux"

U dr Fredu het sis Zmittag mitem Frouetroum gwürzt,hihi...

Womer de wieder im Car ghöcklet si, het d Schagglin witer informiert: Mir gö jitz go ychoufe für ds Znacht. Im Coop ds Leytron mache mir Haut u jedes chouft y, was uf sim Zetteli steit.

ABER!!!!!!!!!!!!!!!!!!!!!

Ds Total muess bi de Rappe 55 gä :-)

Mann-o-mann, jitz het ds rächne agfange:

+ 1.75 = fang 8.50... hmmm...

Bänz: i gibene nümm!! Dä rundet grad uf uf....55Rp... juhuiii :-)

Näbem Gaffeerahm vor Barbara grüblet ds Evi am Chopfrächne umenand.

Öpis zum Grilliere sött me dänk ou no ha.

Lue mau Susle, ha Güetzi gfunde für 4.55!!!!

Man rechne... u 7 git 15... u de ersch no Aktion!!

Himu, weli Melone choschtet äch hinde 55 Rappe??

P.S. Me beachtet dr Bänz: immer no dr Wy ir Hand!!

Ds Erika nimmt churzerhand ds Rächnigsmaschineli ufem Handy!! Und Barbara-B seit: Glehrt isch glehrt, Chopfrächne isch Chopfrächne!!

Bi mir hets gschtumme!!!

Dr Fredu git ou no si Sänf drzue...

Dr Fritze gröhlet im Coop umenand..

U dr Freddy ärntet sackbösi Blicke vore Wallisserin, wo no niiiiie i ihrem Läbe sooo lang het müesse ar Kasse warte wie denn!!!

Ds Wasebeeri zahlt und hets ou tüpft mit de 55 Rappe.....

Aber sie het nid mou realisiert, dass es

19.55

koschtet het!!!!!!

D Emma hets de grad für d Nachwäut fotografiert!!

14.55 sFr

31.55 sFr

u no einisch 19.55!!!!!!!!

U hie o!!!!!!!!!!!!!!!!!!!!!!!!

u 13.55 sFr

17.55 sFr....

Es hei sich aui ganz fescht Müeh gä, und die wo vore Aktion si ineglimet worde, oder wo nid hei chönne rächne...

uf die wartet de no e Straf!!!!!

Sodeli, jitz geits langsam de wieder gäge ds Bärnbiet zue.

Mir stiege wieder i Car...

und

laaaaaangsam

überfaut

d Müedigkeit

die

doch

nümm

sooooo

junge

55er!!!

Chrrrrr...... chrrrrr....... chrrrr.....................................

UUUUfwache!!!!!!!

Mir si ds Spiez acho und hei am See uf ds Schiff gwartet.

Guet, es paari hätte no söue go bisele... aber.....

OK, dir kennet ja d Gschicht vom WC sueche bir Schiffländti!!

Hättsch auso quasi chönne id Hose bisle, bis ändlich es Hüsli gfunde hesch, hihi...

Das Schiff isch cho, und 5 ab 6 simer abgfahre:

Und hie es paar Impressione vo dere vougschtunggete Schifffahrt

(hm, schribt me jitz das mit 2 oder 3 F????)

Wuala, u genau hie muessi jitz eifach öppis drzue säge. Genau die zwe Profi's hei uf däm Schiff sone grossi Schnörre gfüehrt, dass ig das hie jitz grad schriftlich vermerke. Nid dass es öppe no vergässe geit, herrjemine!!

Erich u Fritze wei auso die nächschti Reis plane.. und zwar professioneller!!!

Mit Tenu vom Army-Shop.. ou professionell!

Ig fröie mi scho jitz uf die professionelli Reis vo dene zwe professionelle Organisatore, und grüesse die Zwe vo hie us ganz professionell.

Ig hoffe doch fescht druf, dass das nid nume es läärs Gschwätz isch gsi, sondern e professionelli Achündigung!

Bhoa Schagglin, was isch das dert usse ufem See????

Mamma mia, sooo viu chlini wyssi Böötli....

U die fahre irgendwie so zigg-zagg...... hihi

Am Wasebeeri si Vorrat isch im Rucksack usgläärt u verströit...

Erich, wosch glich no es Wybeeri?? d Nüss isseni säuber!!

U das wär jitz äbe die gsamti Gruppe 55... a+b...

bevor üs d Emma wieder verloh het, und mitem Zug zrugg ids Wallis gfahre isch! Emma, isch dr Hit gsi, bisch trotz Ferie glich mitcho!

Hie isch dr Sieger vom Detektivusflug!

Dr Blaser Freddy mit Diplom und 55er Biudli...

När het üs dr jitzig Abwart vom Stägmatt empfange und scho quasi ds Füür parat gha.. und ds bschteute Bier vom Erich!! Merci Erich!

Zersch hei aber aui no am Fritze si knaurot 55er-Göppu bewunderet!

Es MEEEEEGA Outo, momou!!!

So langsam wärde die ganze Ychöif ufem Tisch usbreitet.

U jitz isch ou dr letscht 55er ytrudlet. Welcome Richu! I verspriche, i lüte dir nie meh a, schribe vo jitz a nume no es SMS!!!!!

Dr Herr Wirt het grilliert...

Dr Piero und Therese Recchia hei natürlich mit üs Znacht gässe...

U ds Wasebeeri het sich im Name vor A offiziell einisch bir B bedankt fürd Adoption und het dr Barbara-B e guldige B überreicht!!!

Do si die wo Kassezetteli nid gschtumme hei (sprich, die wo nid chöi rächne!!!!!! hihi...) ... und die hei müesse singe!!!!!!

Dr Piero het när e spontani, fadegradi Füehrig gmacht dür ds Schuelhuus. Für die meischte isch das äuä ds erscht mou nach dr Sek gsi, wo sie wieder hei e Fuess i das Schuelhuus gschteut. Merci Piero für die intressanti Schuelhuus-Füehrig.

Fritz u Erich gö nomou id Schuel

Die zwöi tüe ender chlei plöischle

Und d Susle het wieder einisch e Lachafau!!!

Lue mou Erika, genau dä Reiher hani doch ir Nünte müesse abzeichne!!!

Und am Schluss hei es paar gueti Seele am Wasebeeri ghulfe abwäsche. Mir hei nämlich dörfe d Tagesschuel vo Lyss benütze, wüu d Barbara-A dert schaffet, und versproche het, dass alles tip-top hinterlah wird.

Ig danke aune, het wunderbar klappet, ha ke Rüffu übercho, hihi..

Jitz möchti no am Freddy Blaser und ar Emma danke für Fotos. Ig ha ou no chlei gfötelet, und so het das e wunderbare Zämeschnitt gä vo üsere Schuelreis 2010. Es isch super gsi, si soooo viu cho, ig ha henne Fröid gha!

Jitz fröieni mi uf die nöchschti Reis...

dir wüsst..

die wo de

PROFESSIONELL

wird si!!!

I däm Sinn möchti mi vo Öich verabschiede.

Wasebeeri Barbara-A

P.S. Me darf de ou ids Gäschtebuech schribe!!!!!!!!!!!!!!!!!!