55er ässe Flühlingslollen

 

 

27.März 2009


Chinesisch rede mir zwar aui nid,

aber glich hei mir üs ds Lyss im Schwane troffe

zum aujährliche Klasse-ässe.

 

Hüür schribi jitz mou nid,

vo welere Klass dass meh cho si   

es isch doch au Johr ds gliche Dilemma,gopf..

Eifach schad isch mire Meinig,

dass me nid mou vo aune e Reaktion ghört.

 

Es hei aui chli öppis anders gässe, und aui heis fein gfunde.

Guet,

es hei nid aui das übercho,

wo sie bschteut hei...

Ds "40" wär jitz äbe das Poulet gsi mit Gmües wo d Erika bschteut het...

...u ds "73" het sie übercho!!

Dr Fredy het das fotodokumentarisch feschtghaute,

aber äbe..

scharfi Foto si Glücksach... *grins

 

U de isch scho dr erscht Fauxpass ds mäude!

Es git ke Foto vor Erika Häberli am Tisch!!!

*überlegemirobichdavollschuldbin

 

Tschuldigung Erika, ha di jitz zämegschnippslet:

und no öppis Fredy:

Wenn du söusch d Schpiis-charte fotografiere,

de sött nid ds Wasebeeri druffe si..... himu!

 

Näbscht dr Erika si natürlich no meh Lüt cho Znacht ässe.

Dr Fotograph vor Schpiis-charte isch jo äbe dr Fredy gsi:

Hie isch er scho bim Dessär,

aber irgendwie hani no ir Erinnerig,

dass öppis isch gsi mit MIM Riis !!!!!

 

Näbedra isch ds Evi ghöcklet,

u het vom Schneeschufle verzeut...

 

Hey,

i gloube,

dr Chohler Wale hani sit dr Schuelzyt ds erschte Mou wieder gseh:

He Wale, lueg mou i Kamera!!

u mach chli es fröhlichers Gsicht!!

Ok, de haut nid... ha ja nume gmeint...

  

 

Ds hinterscht im Eggeli isch die anderi Erika gsässe.

Die het sicher nid so viu uf Toilette chönne,

soooo iklemmt wie sie isch gsi!!

 

Vis-a-vis isch üsi wytgreiseti Oschtschwyzere ghocket.

Soooooooo viu Kilometer nimmt d Anna-Maria aube uf sich,

für mit üs aune Znacht ds ässe!!

Und ig dänke, es isch langsam a dr Zyt,

d Anna-Maria us ds zeichne für die Leischtig.

Mir überreiche ihre drum im Name vo aune A-ler u B-ler

e Goudmedalie und e Ehrepokau:

 

Dä wo letscht Johr sozäge diräkt vor Pischte ids Rössli isch cho,

hets hüür diesewäg gmacht.

Deheime warte scho d Schii und dr Rucksack uf ihn für id Ferie:

 

U jitz chunnt äbe die, wo vergässe het ,d Erika ds fotografiere..

u aui andere heis ou nid gmerkt a däm Tisch!!!

Aber mi ufzieh wäg däm doofe Schüsseli Riis... grrrrr...

 

Bevor mir jitz a ander Tisch übereswitsche....

gö mir subito zu de Velo go luege!!!

Am Bänz sis isch auso no do, mir si mega froh!!

Super Bänz, sportlichi Leischtig, mitem Velo id Beiz ds cho.

es git anderi, die flüge mit em Bäse häre   

Mir hei mou gmüetlich eis tubacket... öööhm, zu de Velo gluegt..

u do het dr Fredy öppis eigenartigs gseh.

Si Kommentar drzue:

Wenn ig scho sones Bild würd uf d Reklame tue,

de würdi nid sone Wägbeschrieb drzue schribe!!

Lueget säuber:

Ig ha natürlich sofort nochegluet, was das fürne Praxis isch:

Spirituelles Heilen und Meditation!

Na ja, villich hiufts eim bim sch*****....   

 

Überem andere Tisch isch es sagehafts Relief ghanget!

Öper het gmeint, das sig d Schlacht bi Morgarte oder so.

Aber dr Wale het gseit: Nä ä, das isch d Huttischlacht gsi!!

 

Und unter däm Huttischlachtrelief si die andere ghocket.

Do isch dr Ruedi gsi,

wo ig am Samschtig morge scho wieder im Coop gseh ha.

Dä het auso so öppis vo uf möge,  nüt übernächtiget gsi...

 

Näbe dra isch d Organisatorin gsässe vo däm Event.

I weiss nid, warum d Barbara-B so ärnschthaft isch gsi.

Hei die a däm Tisch äch nüt ds lache gha???

 

Denise isch mitem Outo vom Zürioberland zu üs gfahre.

Und am gliche Obe ou grad wieder zrugg.

Super,

dass es Lüt git,

wo für üses Jahresässe vo so wit här chöme!

 

Dr Fürsprecher Trachsel isch eine,

wo sogar mitem Erscht-jahres-lehrlings-stift Anna per Du isch   

 

So Fondue,

jitz probier mou,

für die Foto chli wiene aschtändige Lehrer dri ds luege:

Nei, probiers no einisch:

Heinomou, jitz nimm di zäme:

Wuala, geit doch!!!

 

We dr Bänz nid zu sim Velo het gluegt,

isch er bi üs am Tisch ghocket.

Irgendwie ploget ne chli öppis...

Schagge,

chasch ne hurti chli chutzele,

dass är ou chlei lachet??

Wunderbar!!!

 

Kennet dir die Jagge???

Die ghört natürlich dr Schagglin..

wo mir im übrige geschter grad hei ids OK Schuelreis 2010 ufgnoh!

Proscht Schäggu!

 

Hie no zwe Momäntufnahme vom Näbetisch:

Barbara-B wieder so ärnscht... hmmm..

u die anderi vom Näbetisch tuet wieder mou überegwundere.

 

Und am Schluss vom obe hei si bi üs dr Tisch abgruumt...

 

Ig has mega schön gfunde,

wieder mit öich aune go ds ässe.

Es isch luschtig,

dass dr hert Chärn immer zämehet,

und hie und da ou es paari vo de andere agschteckt wärde!

 

D Erika, d Schagge und ig hocke jitz de gli zäme,

für ds Rahmeprogramm vo üsere Schuelreis 2010 ds bespräche.

Fröiet öich uf nes Mail mit de gnaue Date vo der Reis im Summer 2010.

 

Mit dene Wort verabschiedeni mi wieder für nes Johr vo öich...

 

Mit emne liebe Gruess

öies Wasebeeri Barbara-A

 
  
| Mail an: barbara gerber |


Powered by WB4.DE, dem gratis Homepage Provider

Verantwortlich für den Inhalt dieser Seite ist ausschließlich
der Autor dieser Homepage. Mail an den Autor