55er bim Erich ds Gascht

 

 

5.April 2008

5.April 2008

5.April 2008

5.April 2008

5.April 2008

5.April 2008


Heinomou, hei mir das wieder einisch luschtig gha bim aujährliche Klasseässe.

D B-ler si wiedermou einisch meh gsi,

drfür hei sich d A-ler konsequänter abgmäudet.

Aber git haut immer no settigi, wo nüt vo sich lö lo ghöre...

dr einzig Tougg i üsem 55er-Heft.

 

Mir si hüür bim Choch us de eigete Reihe ds Gascht gsi.

 

Es isch mega fein gsi, und mir hei e eigeti Schpiischarte gha!!!!

Das hei de nid aui!!!!

 

Zersch hei mir chli Süppli u Nüsslersalat gässe,

u d Jungs hei sich mit em Grepfruit-Papaya-Risegrövettesalat ufe Obe lo ystimme.

Trunke hei mir irgendsone höllische Tüüfuswy  Unschuldig

 

Wär aues isch drbi gsi a däm luschtige Obe??

Vo jitz a wird das aues schön dokumäntiert..

he ja, für spöteri Johr,

we mir nümm so gnau wüsse wär wenn wo isch drbi gsi 

 Zwinkernd

Auerdings mache die Handy nid so perfekti Fotis.

Mis het haut nume 2 Megapiksel (Info füre Fritz, hihi)

 

 

Zoberscht am Tisch isch natürlich dr Chef ghocket,

he ja,

isch ja schliesslich ou sini Beiz..

aber unter üs gseit.....

es het nume no dä Stuehl frei gha,

mir aui hei dä nid wöue...

 

Näbem Chef vom Huus isch dr Bänz ghocket.

Gring ache u seckle, gäu Bänz?

So isch scho viu besser  Lächelnd

 

När chunnt dä mitem  ufem Buuch.

Nenei,

ig ha nid gseit är sig eis,

är hets nume ufem Thiischört gha.

U was är ou no gseit het:

är heig ir Pfadi Fläsche gheisse,

aber das wüss eigentlich niemer meh.....

umpf, jitz scho...

Dr Fondue het so viu gschnurret,

dä het no mi i Schatte gschteut,

u das ma de öppis heisse,gopf...  Überrascht

 

Näbedra isch ds einte vo de Erikas ghocket, nämlich das wo Heiz heisst.

U das Erika het vei viu mitem Evi dr Chopf zämegschtreckt und gschnäderet.

He ja,

die Damene hei dänk müesse dr Herr von Dach übertöne!

Gäu Evi??????

 

Quasi diräkt us de Schiferie isch dr Hansueli zu üs ids Rössli cho.

Dä het ja näbscht em Erich schliesslich dr chürzischt Wäg gha.

 

U jitz chunnt äbe die Gschicht mitem  !!!!

Dr Richu tuet d Ouge zue und schtudiert,

und schtudiert,

und schtudiert,

und schtudiert,

wär äch das Zebra i dr Pfadi sig gsi.

weiss es ächt niemer???

 

Achtung, Achtung!!

Wenn dir ds nöchscht mou Hochwasser heit,

oder Badwanne überlouft,

de secklet subito zum Fritz

und holet die hochwürksame,

i 7 Minute ufpluschterete Säck mit Polyirgendöppis dinne!!!

Fritz git gärn Uskunft,

oder schickt öich e Foto vo sim 100'000 Megapiksel Handy!

(Hie no ganz ä pärsönliche Kommentar zu de schwarz-wyss Biudli vom Fritze:

die Brüuekoleggschen isch dr absolut Hammer!!!

U de no ds Pflaschter uf dr Konffoto, oder isch das e Fläcke??)

 

Wenn Barbara und ig aube maile vor emne Träffe,

de unterschribe mir immer mit B-a oder B-b...

Das wär jitz äbe B-b...!

 

Richuuuuuuuuuuuuuuuuuuu!!!

Ig has gfunde!!!

Das Zebra isch ja dr ganz Obe scho bi üs ghocket  Lächelnd

uuuuuuu, ig hätt doch söue d Läsibrüue alegge,

isch ja d Erika..

nid Heiz, jitz äbe Häberli.

 

Näbedra isch d Anna-Maria gsässe.

Die wo üse Schnitt aube soumässig ufeschrüblet,

wenns um die gfahrene Kilometer geit!!!

Und hüür isch sie nid mou ds früeh usgschtige,

het ja schliesslich ou kes Poschi gha,

gäu Anna-Maria?

 

 

Seit nech das öppis?

oder das??

 

Kei Kommentar,

git ja nüt über die ds schribe, 

sie isch ja sones schtius  Verlegen

 

Dr Freddu isch mi Tischnachbar gsi...

mängisch isch är do ghocket,

und mängisch isch är ir Füür-eggippe vorusse am diskutiere u tubake gsi.

 

I gloube,

dr Res hei mir sit dr Schuelzyt nümme meh gseh.

Eigentlich gseht dä immer no glich us,

het eifach nümme meh so viu Hoor ufem Gring, hihi...

 

U ds nöchschte Biudli darfi nech eifach ou nid vorenthaute!!

Es Meischterwärch!!

E Sensation!!

Rätz live!!

Rätz nature!!

Dr Duume vom Erich, tztztz..

Jitz bisch regischtriert, mir hei jitz dine Fingerabdruck!!

 

Am Schluss vom Ässe hei mir vom Chef es wunderschöns und megafeins Dessär offeriert übercho!

A dere Schteu möcht ig im Name vo aune A-ler und B-ler am Erich nomou ganz härzlich merci säge drfür!

Es isch mega gmüetlich gsi bi dir und mir fröie üs scho aui uf ds nöchschte Johr.

 

Und nid vergässe:

am 30. Ouguscht isch Sekfescht im Grien!

Notiere und amäude wenn dir de Poscht überchömet!

 

Mit emne liebe Gruess

öies Wasebeeri

 
  
| Mail an: barbara gerber |


Powered by WB4.DE, dem gratis Homepage Provider

Verantwortlich für den Inhalt dieser Seite ist ausschließlich
der Autor dieser Homepage. Mail an den Autor